早年，世界末日的話題每日都講，但世事總係無常，如果今朝新聞話今日有隕石撞落地球，世界所有生物都會死；你會點過呢最後一日呢？
首先會有好多人同平時生活一樣，認為世界末日這件事係假既。
中午時候明明要同外國客戶開會，但對方沒有聯繫，而你亦搵唔到對方；你並無為意，因為可能係發生網絡問題。
下午收到已移民外地親戚的電話，但響一下就冇左；你無去為意，因為長途電話好貴，你只係簡單傳個訊息問對方咩事。
放工時你望上天空，發現今日的日落比往日的紅。
晚飯約左另一半食飯，但因為塞車，預計會遲到；你打比另一半話佢知會遲到，叫佢食住等。
臨到餐廳時聽到一聲巨響，你望左眼但唔見有咩事，再行多2步一團火球衝向你。
然後，沒有然後了⋯
睇到呢度，或者你會笑住話：邊有可能發生，如果我知道世界末日，我一定會做d未試過既事、難忘既事、去邊道邊道、見邊個邊個、珍惜邊個邊個、同邊個邊個講d咩野⋯但你敢說，即使我同你講左，你會相信嗎？
其實你心入面一直有d野想做，只係覺得：今天的事今天做，想做既事不在今天的計劃內所以唔做（住）。但人生無常，你想做既事、想見既人今日唔做，你肯定仲有機會？
Comments